ޖުމްހޫރީ ޕާޓީ (ޖޭޕީ) ގެ ލީޑަރު އަދި ނިޝާން މުލީގޭ ޝަރަފުގެ ޢިއްޒަތް (ނ.މ.ޝ.ޢ)ގެ ވެރިޔާ ޤާސިމް އިބްރާޙީމް، ރާއްޖޭގެ ޖުމްހޫރީ ދުވަހުގެ ތަހުނިޔާ މިއަދު ފޮނުއްވައިފިއެވެ.
ރާއްޖެ ޖުމްހޫރިއްޔަތަކަށް ބަދަލުވިތާ 55 އަހަރު ފުރުން މިއަދު ފާހަގަ ކުރާއިރު، ދުވަހުގެ ތަހުނިޔާ ފޮނުއްވަމުން މާމިގިލީ ދާއިރާގެ މެންބަރުގެ ގޮތުގައި ވެސް ހުންނެވި، ލީޑަރު ޤާސިމް ކުރެއްވި ޓްވީޓްގައި ވިދާޅުވީ، 55 ވަނަ ޖުމްހޫރީ ދުވަހުގެ ތަހުނިޔާ ދިވެހި ދައުލަތުގެ ތިން ބާރުގެ ވެރިންނަށާއި، އެންމެހާ ލޮބުވެތި ރައްޔިތުންނަށް އަރިސް ކުރައްވާ ކަމަށެވެ.
‘’ކީރިތި ٱللَّٰه ދިވެހި ޤައުމަށް އަދަށްވުރެ ފަހި މާދަމާއެއް މިންވަރު ކުރައްވައި އެއްބައިވަންތަ ބަޔަކު ކަމުގައި ލައްވާށި!’’ ލީޑަރު ޤާސިމްގެ ޓްވީޓްގައި ވިދާޅުވެފައިވެއެވެ.
55 Vana Jumhooree Dhuvahuge Thahniya aai Heyo Edhun Thah Dhivehi Dhaulathuge 3 Baaruge Verinnashaai, Enmmehaa Lobuvethi Raiyyithunnah Aris Kurameve. Keerithi Allah Dhivehi Qaumah Adhah Vure Fahi, Maadhamaa Eh Minvaru Kurahvvaa Ehbbai Vantha Bayaku Kamugai Lahvvaashi Eve. 🤲🏻 pic.twitter.com/r6jCsqEdLJ
— Qasim Ibrahim (@qasimibrahim) November 11, 2022
ދިވެހިރާއްޖޭ ޖުމްހޫރީ ދުވަސް ފާހަގަ ކުރެވެމުންމިދަނީ ކޮންމެ އަހަރެއްގެވެސް ނޮވެމްބަރު މަހުގެ 11 ވަނަ ދުވަހުއެވެ. އެއީ 11 ނޮވެމްބަރ 1968 ގައި ރާއްޖޭގައި ދެވަނަ ޖުމްހޫރިއްޔާ ގާއިމުކުރެވުނު ދުވަހެވެ.