ޖުމްހޫރީ ޕާޓީގެ ގޮފިތައް އަލުން އެކުލަވާލައި، ރާއްޖޭގެ ކޮންމެ ރަށެއްގައި ޕާޓީގެ ގޮތްޕެއް ހެދުމަށް ފަށާފައިވާ މަސައްކަތް ހަލުވިކަމާއެކު ކުރިއަށް އެބަދެއެވެ. މިމަސައްކަތް ކުރިއަށްދަނީ ޕާޓީގެ ކައުންސިލުން އުފައްދާފައިވާ ކޮމެޓީއެއްގެ ބެލުމުގެ ދަށުންނެވެ.
ޖުމްހޫރީ ޕާޓީއަށް މެންބަރުން ގުޅިވަޑައިގަތުމަށް ބާއްވާ ޚާއްޞަ އިވެންޓެއް ކޮންމެ ހަފުތާއަކު ޕާޓީގެ ހެޑްކުއާޓަރ މ.ކުނޫޒުގައި ދަނީ ބާއްވަމުންނެވެ. މިއިވެންޓްގައި ޕާޓިއަށް ގުޅިވަޑައިގަންނަވަން ބޭނުންފުޅުވާ ކޮންމެ ދިވެހި ރައްޔިތަކަށްވެސް ޕާޓީއާއި ގުޅިވަޑައިގަތުމުގެ ފުރުޞަތު އޮންނާނެކަމަށާއި، އެފަދަ ފަރާތްތައް ޕާޓީއާއި ގުޅުމަށް ވަޑައިގަތުމަށް ޖުމްހޫރީ ޕާޓީގެ ލީޑަރ ޤާސިމް އިބްރާޙީމްވަނީ ދައުވަތު ދެއްވާފައެވެ.
